Niare kulok 10 minit 15 daulih en July 21,2026, Irail pwihn en kou-kosonned
keisek-ehu patowan tialahngehr nan sapwelimarail tungoal wie-lamalam
kerieisek-duwau nan Peilapalap,kolonia. Sapwelimatail Speaker pekidahr loulou
sang rehn Senator Nelbert Perez. Sapwelimen Pohnpei State Legislature,
Legislative Chief clerk kapw me patowan me mie Quorum eri ire ouralap 4 me irail
patowan apwalih.
Unfinished Business ( ire kan me kadoahkpe saik unsekla)-kamwomwadahn
kosonned Nempe 444-26 me pid oarohr de landfill me pato Nannget,
Kinakapw,Madolenimw oh ire wet kopwurpwurlahng Committee en Sahpw,oh
committee pahn repwoht long nan ehu wie kupwur mwurin rahnwet. Repwoht
wet kapdolong sang Senator Sonster Edgar me patowan wia Chairman en Sahpw.
Kamwomwdahn kosonned nempe 328-25 me pid pelien sahpw me delegation en
sokehs songosong en katikala square meter 8000 oh katohresang square meter
5000.Eri pwehki kamwomwadahn wekdekla e saikinte lelpene kamwomwadahn
kosonnedoh kapwurpwurlahng kapwanadalahr ong wie lamalam en mwurin
rahnwet. Repwoht wet sang Chairman en Sahpw Senator Sonster Edgar.
Kamwomwadahn Pekpek Nempe 173-26 me pid wein china ni arail kadar de test
neirail missile de (intercontinental Ballistic Missile) nan Pacific et. Ire wet pahn
lelahng Japanese Embassy, Mwoalen wahu en Pohnpei, US Embassy pwe ren kak
kaleleki Secretary en Department of Defense oh Secretary of State en wein
America. Resolution wet pahn kak en kasaleieng sapwelimatail National
Government,dame wein China wiwia oh kesempwalki poadoarepen mehn
Pohnpei. En sansal ieng wein china me wein US oh FSM sohte utung mwekid wet.
Repwoht wet sang Senator Ricky Carl oh usuhs wiawier ni usuhs 22 ei.
Bill Calendar
-Kamwomwadahn kosonned nempe 486-26 me pid mehn peidaid pwehn epwel
ieng Vice speaker Senator Abraham oh Floor leader Aldredson Ladore. Ire wet
patolahng ehr Committee en Judiciary and Governmental Operations me Senator
Nelbert Perez patowan wia Chairman oh repwoht en apw wiawi nan irair en wie
lamalam torohr wet.Kosonned wet kamanaman dahr ni wadawad keiou, oh
kopwurpwurlahng Committee en Judiciary and Governmental Operations.
-Kamwomwadahn kosonned nempe 469-26 me pid One stop clearing
kapwandalahr oh kopwurpwurlahngehr Committee en Judiciary and
Governmental Operations.
A meteht audepen rahnwet nan legislature. Kalahngan oh kasehlelie maingko.