27th Special Session, June 18, 2026
Ih ieng oh kaselehlie Maingko. Ni wahu iet rongen rahnwet nan legislature.
Ni kulok eisek elep en nimeinseng en June 18 pahr 2026 pwihn en kou-kosonned keisek ehu patowan tapiadahr arail tungoal wie lamalam torohr kerieisek-isu nan wasahn wie lamalam,Peilapalap nan Kolonia. Sapwellimatail Speaker Yamaguchi me patowan ritingada wie lamalam wet oh pekidahr loulou sang Sen. Abraham. Eri pwehki e mie Quorum a en sansal me ire oaralap limau irail katih oh apwalih.
II.Ire kan me sansal nan Resolution Calendar
- Kamwomwadahn kossoned Nempe.163-26-me kapehseh grant iou me kamanamansangehr government en America patodong congress kamanamandahr oh lelodohr rehn pwihn en kou-kossoned keisek-ehu. Mwoni wet mimi ni wen tala sil-lopw duwenen welikid epwiki silihsek-silu, oh en kak apwali program en Pohnpei Community Health Center.Usuhs wiawier ong kamwomwadahn kosonned wet pweidahr ni usuhs 18 ei.
- Kamwomwadahn pekpek No.166-26 -me kaweidodohr pweidahn audit ong dien mwoni nan pahr 2023 me wen mwoni me sohte doadoahk de depala. Nin duwen kaweid en Finance patowan unassign fund balance me pato ni wen tala million 2. Nan million 2 kaweid en Kepina pwehki koasondihn doadoahk me tepda nan administration en mwowe kan oh Pwihn en kou-kossoned keisek oh keisek-ehu ahng oh peusehla, anahn en apwalih mwoni kan me pahn kin patolahng local government kan,pwehn apwali me sohte epwel ieng irail nan pahr 2022. Kanene en mwoni wet pahn kin idawehn kosonned iou me tapiada wiepen kaneneh en mwoni kan.
- Kapingamarangi ni wen percent riau point duweisek-duwau
- kitti percent eisek-walu point eisek-ehu,
- madolenihmw percent eisek-weneu point duweisek-duwau,
- mwoakilloa percent riau point rieisek-weneu,
- nett percent eisek-riau,
- Nukuoro percent ehu point duweisek-silu,
- pingelap percent limau point eisek-paiou,
- sapwuatik percent riau point limeisek-walu,
- sokehs percent eisek-isu point duwau
- U percent duwau point welisek silu.
- Kamwomwadahn kossoned No.164-26 me pekipeki mwoni me patodosang Government en America patodong FSM Congress oh pil lelehr rehn pwihn en kou-kossoned keisek-ehu pwehn apwalih tohn doadoahk en kempahn roson mwahu me apwapwalih Program en Family Planning oh apwalih pweinen irail tohn doadoahk kan me iang apwapwalih program wet.Me pwukat koaros repwoht sang Committee en Mwoni me Senator Carl patowan Chairman.
Ire kan nan Standing Committee Report
- SCR No.374-27-
- Me idan kamwomwadahn kossoned Nempe.472-26 me kaweid mie mwoni sang (Governors Communication Nempe.572-26) peki pahn kupwuren Pwihn en Kou-Kosonned en kak kamanada wen mwoni me peida pahn ohpis en kepina sang Personnel wen tala silikid en kak reprogram oh patola pahn POL,repwoht wet sang Committee en mwoni me Senator Carl patowan wia Chairman.
Ire kan nan Bill Calendar
- Kamwomwadahn kossoned Nempe. 397-26 (Hon. Sen. Edgar)-me pid Shoreline Development me pato Oumoar, Sokehs. Oarohr de audaudahn wasa kan sohte pahn dauliala square meter nen, oarohr de audaud en idawehn kosonned de regulation en Pohnpei State. Landowner de Contractors udahn pahn pwukoaki pweipwei en severance de royalty fee. Usuhs wiawier ong kamwomwadahn kossoned wet ni usuhs 19 ei.
- Kamwomwadahn Kossoned Nempe.438-26 (Hon. Sen. Edgar)
-Oaroahr de Audaud en ahl nan Alokapw, Madolenihmw
– usuhs wiawier oh mimi ni wen usuhs 19 ei sohte me uhwong.
-Me pwukat koaros repwoht sang Committee en Sahpw me Senator Edgar patowan Chairman.
- Kamwomwadahn Kossoned Nempe. 472-26
- Kamanamandahn mwoni me mi ni wen tala silikid pwehn patola POL.
- Kamanamandahn mwoni me mi ni wen tala rienen wenekid oh apwalih Pohnpei nin duwen Kepina en wein Pohnpei e pahn kasamwo meeting kesempwal ehu me iei Micronesia Island Forum.
- Me pwukat koaros repwoht sang Committee en mwoni me Senator Carl patowan Chairman.i
Pakair
- Committee en Mwoni pahn tuhpene kulok 9 nimeinseng en June 19,2026
- Committee en R & D pahn patopene kulok 2:30 June 19,2026
Ah meteht audepen rahnwet oh kalahngan en kupwur koaros.